Sámis / Sámen 30

Sámis 30/2019 3 SÁMIS Nr. 30 Juovllamánnu 2019 I SSN 0809-7410 Sámi čálakultuvrralaš áigečála, man ČálliidLágádus almmuha Sámi fágagirjjálaš čálliid- ja jorgaleaddjiid- searvvi (SFS) ovddas. Dán nummira doaimmahus Harald Gaski John T. Solbakk Ruhtadeaddjit Norgga Sámediggi, ČálliidLágádus ja SFS. Sámis artihkkaliid ja govaid ii oaččo almmuheaddji, čálli dahje govvi­ deaddji lobi haga almmuhit. Gráfalaš bargu Studio Borga, Ohcejohka/Utsjoki Deaddilan Waasa Graphics Oy, Vaasa Sámis lea nuvttá. Dan sáhttá maiddá diŋgot almmuheaddji neahttagirjegávppi bokte. www.lagadus.org Sámis artihkkaliid sáhttá maiddái lohkat dás www.samifaga.org Dearvuođat doaimmahusas Go álggaheimme Sámis-bláđi moanat jagiid áigi, de ean várra navdán ahte gártet 30 nummira das – ii ge vel ge oro loahppa lahkaneamen go magasiid- na lea ain buriid vuimmiid alde, de navdimis dat ain joatkašuvvá. Moai leimme maiddá 1980-jagiin sámi vuosttas, ja dássážii áidna esseija-čoakkáldatráiddu doaimmaheaddjit, namalassii cafe Boddu. Das gal ilbme dušše golbma num- mira oktiibuot, ja de golihedje jagit ovdal go Sámis iđii, ja fas doahttališgođii ohcaleami lohkkiid gaskkas beassat lohkat guhkebuš artihkkaliid maid fága- dovdit leat čállán. Earát gis sáhttet eanet állanit esseija guvlui árvaladdi há- miin, muhto buohkain lea dat dovdomearka ahte galget leat bures čállon. Boahtteáiggis dáidet vel ihtigoahtit čáppagirjjálaš čállosat ge Sámisis. Nu goit jurdda livččii, go váilu medium mas sámi čállit besset almmuhit iežaset čállin­ dáidaga. Oaidnit leš. Vuos goit bohtet doaimmahussii dan mađe olu čállo­ sat ahte roahkka deavdit guokte nummira jahkái dušše fágagirjjálaš čállo­ siiguin. Ja lohkkiid responsa maid muitala ahte juste dákkár hámi sii hálidit áigečállagii, de jearaldat lea ahte galge go duostat rievdadišgoahtit juoidá mii doaibmá bures. Nugo jo ovddit nummiris almmuheimme, de dás duhko lea juohke Sámis- nummiris čállosat jogo julev- dahje máttasámegillii. Nu lea dán nummiris njealjje bihtá julevsámegillii, lassin davvisámegiel čállosiidda. Fáttát fátmmas- tit sámi servodaga oalle viidát; iešmearrideami mearkkašupmi smihttojuvvon sámi vuolggasajis, gielladilit giehtadallojuvvon iešguđet ge perspektiivvas, muitalusaid sadji bajásgeassimis, báikenamat ja sámi osku, sámi journalistihka erenoamáš gulahallanvugiid iskan, ja Læstadiusa birra sihke sárdnealmmájin ja diktajorgaleaddjin, ja muitalus dan birra ahte gii dat duođaid lei dat Márjá gii váikkuhii Læstadiusa oskui nu sakka? Ja go lea juovlaáigi go Sámis ilbmá, de mis lea maiddá mielde juovlamuitalus Dovreduoddaris. De ii leat vel eará go sávvat buriid juovllaid ja buori movtta lohkkiide, ja oaidnaleapmái! John T. Solbakk Harald Gaski

RkJQdWJsaXNoZXIy NDI2ODk=