Sámis 29

36 Sámis 29/2019 Guorahalan dás Saia Stuenga čállin nuoraidromá- na Hamburgerprinseassa, mii ilmmai jagi 2017. Gir- ji lea Stuenga debuhttaromána, ja son lea ovdal alm- muhan maiddái noveallaid ja hearvačállosiid. Áiggun digaštallat, heivego romána meroštallat chick lit jr. -šáŋŋerii gullevažžan. Lean válljen fáttá dasgo románas orrot leamen ollu chick lit jr. -lágan iešvuođat. Lyytikäinen čállá Lajit yli rajojen -girjji ovdasániin ahte teavsttat, main leat doarvái dihtolágan iešvuođat, gullet seammá šáŋŋerii. Son goittotge deattuha, ahte muhtumin dat iešvuođat soitet dihttot oalle earálága- nin iešguđege girjjiin. Dalle oktasaš repertoára, dat mo girjjit váikkuhit ja áddestallet nubbi nuppi, ovttastahttá girjjiid seammá šáŋŋerii. Dan dihtii lea miellagiddevaš guorahallat chick lit jr. -šáŋŋera rájáid ja geahččat, man láhkai Hamburgerprinseassa heive daid sisa. Dán čállosa álggos gieđahalan chick lit - šáŋŋera iešvuođaid ja dovdomearkkaid, ja čiekŋudan chick lit jr. -vuollešáŋŋerii, masa Hamburgerprinseassa orru gul- lamin. Dan maŋŋá čálán oanehis referáhta Hambur- gerprinseassa s ja guorahalan romána ráhkadusa, stiil- la ja guovddáš fáttaid, ja buohtastahttán daid chick lit Johanna Luomala jr. -šáŋŋera iešvuođaiguin. Loahpas digaštalan romá- na iešvuođaid oktan teoriijain ja geahčan, man láhkai Stuenga romána heive chick lit jr. -šáŋŋerii. CHICK LIT Románačállit Cris Mazza ja Jeffrey DeShell leigga vuosttaš olbmot, geat geavaheigga chick lit -tearp- ma jagi 1995. Tearbma lea ovttastahtton eŋgelasgielat slang-sánis chick, mii mearkkaša nieidda dahje nuor- ra nissona, ja oanádusas lit, mii boahtá sánis literatu- re, ”girjjálašvuohta”. Vuopio čujuha artihkkalisttis dut­ kamušaide, maid mielde chick lit vuođđoduvvá ee. Jane Austena čállin nissongirjjálašvuhtii, 1800-logu nieida­ girjjálašvuhtii ja 1900-logu románsii, muhto rievdada daid konvenšuvnnaid liberálabun. Árbevirolaš román- sa ii šat guoimmuhan daláš nissoniid, dasgo váldoper- sovnnat ledje menddo ollislaččat iige lohkkiide lean šat álki identifiseret iežaset singuin. Nu šattai dárbu ođđa šáŋŋerii, mii govvida nissoniid eallima realisttalabbot, namalassii chick litii. Wells mielde okta čielgaseamos earuin románssa ja chick lit gaskkas lea, ahte chick li- tas seksualitehta govviduvvo duostilabbot ja rahpasab- Hamburger­ prinseassa ŠÁŊŊER – CHICK LIT JR. VAI II? SAIA STUENGA: