Sámis 29

Sámis 29/2019 31 Bhroin, refererejuvvon NRK Sámis, lea gávnnahan ahte unnitlogugielat dávjá bázahallet sosiála me­ diain, ja okta sivva dasa lea teknihkalaš hástalu­ sat. Dutki Tom Moring lea gávdnan sullii seamma bohtosiid. Son lea gávnnahan ahte sosiála mediat áitet sámegiela, go sámegiella vuoittahallá dáro­ gillii neahtas. Stuorra oassi nuoraid gulahallamis dáhpáhuvvá neahtas, ja nuorat válljejit dávjá ma­ joritehtagillii čállit. Moring ballá giela, ja eandalii čállingiela, dan geažil hedjonit. Son dadjá ahte siv­ van dasa go nuorat válljejit dárogiela, sáhttá leat go ballet čállimis boastut dahje ahte leat teknihkalaš hástalusat. Teknihkalaš hástalusat leat goit hehtten sáme­ giela geavaheami interneahtas, muhto maŋemus jagiid lea dáhpáhuvvan olu teknihkalaš máilmmis ja jáhkán ahte dilli lea buorránan. Sámi boallo­ beavdi mobiilatelefuvnnaide bođii 2014:s. Muhto ain váilot teknihkalaš fálaldagat. Dihtorii sáhttá viežžat čállindárkkistanreaidduid, mobiilatelefuvn­ nain fas ferte birget dárkkistanreaidduid haga go čállá sámegillii. Jus válljen čállit dárogillii de mus gal lea autocorrect veahkkin, ja sáhtán seastit áig­ gi čálidettiin. Seasttán maid áiggi jus in dárbbaš viežžat sámi boallobeavddi ja lonuhit boallobevd­ diid gaskkas. Norgga Sámediggi álggahii giellakampánjja ”Sámás muinna” 2013:s. Kampánja galggai olahit nuoraid, ja dalle mon ledjen maid nuorra. Ulbmil lei gievrudahttit ja oainnusmahttit sámegiela, ja dat galggai dáhpáhuvvat maiddái neahtas ja nuoraid sosiála mediain. Ii leat mu dieđu mielde dutkojuv­ von leaš go giellakampánja veahkehan.