Sámis 29

Sámis 29/2019 3 SÁMIS Nr. 29 / SAEMESTE SAAMAN Geassemánnu 2019 I SSN 0809-7410 Sámi čálakultuvrralaš áigečála, man ČálliidLágádus almmuha Sámi fágagirjjálaš čálliid- ja jorgaleaddjiid- searvvi (SFS) ovddas. Dán nummira doaimmahus Harald Gaski John T. Solbakk Ruhtadeaddjit Norgga Sámediggi, ČálliidLágádus ja SFS. Sámis artihkkaliid ja govaid ii oaččo almmuheaddji, čálli dahje govvi­ deaddji lobi haga almmuhit. Gráfalaš bargu Studio Borga, Ohcejohka/Utsjoki Deaddilan Waasa Graphics Oy, Vaasa Sámis lea nuvttá. Dan sáhttá maiddá diŋgot almmuheaddji neahttagirjegávppi bokte. www.lagadus.org Sámis artihkkaliid sáhttá maiddái lohkat dás www.samifaga.org Dearvuođat doaimmahusas Suoidnemánu 1.b. 2005 ilmmai vuosttas Sámis-nummir. Boahtte geasi deavddášii áigečála 15 jagi, jus nu guhká ceavzá. Ovdal juovllaid dán jagi galggašii plána mielde ilbmat Sámis nr. 30! Dat lea oalle oláhus sámi áige­ čálahistorjjás. Áigečála ieš gal ii livčče skibas iige jámadeaddji oppalohkái ge – dasa baicce šaddet olles áiggi ođđa ja eanet lohkkit – muhto ruhtadeapmi skierbmu. ČálliidLágádus mii válddii badjelasas Sámi fágagirječálliid ja jorga­ leaddjiid searvvi (SFS) ovddas almmuhit bláđi, ii ane dan gánnáhahttin go Sámediggi ii oro čuovvuleamen Sámis magasiinna guovdu daid ambišuvnnaid mat doaimmahusas čađa gaskka leamaš doalahit alladásat publikašuvnna sámegillii. Veaháš mii gal behttot, erenoamážit álgoálbmogiid giellajagi oktavuođas ja go gullat ahte Sámediggi dáhttu vuoruhit sámegiela, muhto ahte dat ii oro guoskamin fágagirjjálaš čálakultuvrii áigečálaformáhtas. Doaimmahusa áigumuš lei lágidit Sámis magasiinna golmma sámegillii; davvi, julev ja mátta, muhto dainna lágiin ahte juohke giella galggai oažžut sierra nummiriid dušše iežas suopmanii. Dat livččii min mielas lasihan sierra-nummi- riid árvvu ja geavahanpotensiála omd. oahpahusa oktavuođas. Dan jurdagii ii guorrasan Sámediggi, de mii leat vuollánan áššis, ja almmuhat dan dihtii dán nummiris teavsttaid davvi- ja máttasámegillii. Doaivut ahte juksat goappašiid giellajoavkkuid, ja sávvat lohkkiide buriid lohkanbottuid Sámis-magasiinnain. Daennie plaeresne utniejibie mealtan göökte eevre orre soeth, jïh aaj jïjnjebh heamtuvrh mah 1800-låhkoen mïnniegietjien joe tjaalasuvvin. Daelie jis orre tjaalehvuekien mietie - guktie dovne skuvline, gïelejarngine aevhkine sjïdtieh. Vaejtieh mijjien lohkijh aavoedieh. John T. Solbakk Harald Gaski