Sámis 27-28

Sámis 27–28/2018 87 bahádahkkit, ja sis lea hállu daid duššadit. Muhto soames oassi – váldegotti bajilgeahččit – eai atte lobi duššadit, velá goit. Ja soames oassi olbmuin gal – jos dieđáše daid elliid váivválaš ja heajos birgema – sii gal eai sáhtáše moraškeahttá leah­ kit. Sii gal čiroše máŋgga geardde, go eallit šaddet nu stuora biinnu gierdat ‒ nealggi ja čoaskima. Muhto soames oassi olbmuin gal gottáše, jos livččii lohpi, dego sarvvaid, muhto go ii leat lohpi goddit, de fertejit diktit eallit. Muhto sáhttet sii goit dan mađe jáhkihit váldegotti bajilgehččiid, ahte sii addet lobi áŧestit eanet ja eanet dainna lágiin, ahte unnidit sis eatnama veaháš geardde. Ja jos dainna lágiin manná, go lea dán rádjái un­ niduvvon eatnan unnibun ain veaháš geardde, de gal duššet dát eallit, ja aivve biidnahuvvama čađa, mii lea gal ealibiid reaggonlága vuostá. Jos dain elliin livččii isit, ja dovddašii got su eallit šaddet biidnahuvvat, de son oasttášii daidda lasi eatnama. Muhto go dain ii leat rievttes isit, de šaddet dál biinnu vuolde leahkit jápmima rádjái – mii lea surges ášši, gii dan jurddaša ja ipmirda. Muhto čálli sávvá goit, ahte galggašii árb­ mu čuovgat sin nai čalmmiide dego iežá eatnan­ elliide, maid lea okta Ipmil sivdnidan. Loahppa lehkos Ipmila askkis ‒ dego mánná lea eatni ask­ kis, gos lea sus buoremus dorvu.

RkJQdWJsaXNoZXIy NDI2ODk=