Sámis 27-28

86 Sámis 27–28/2018 Muitalus Sámi eatnama dovdameahttun elliid birra S ámi eatnan lea dat eatnan, mas gávdnojit dakkár eallit, maid eai olbmot riekta dovd­ da, got dat lea daid elliid birgemuš. Muhto gal olbmot dan dihtet, ahte dat leat ovtta eatna­ noasis soames eallit, dakkár hálbbes eallit, mat birgejit dakkár eatnamis, gos eai birge iežá eallit. Ja daid elliid eai olbmot luoitte buoret eatnamii, ja dan eai goit dovdda jur vissásit got dat birgejit dan eatnanoasis. Olbmot eai luoitte daid ealibiid eai goppos ge, ja olbmot árvalit, ahte ii daid soaba luoitit nu ge viidát, go dat leat dán rádjái leamaš. ‒ Gal dat ožžot birget unnit eatnamiin. Dárbbašit mii ieža eatnama, jos mii doppe gávd­ nat dakkár eatnama mas mii birget. Baldot mii eret das, gos gávdno dakkár eatnan gos mii bir­ get! Orroset doppe gos lea dakkár eatnan, main­ na mii eat daga maidege. Gal dat ealibat leat leamaš miehtá buriid eatnamiid, muhto min bo­ arráset olbmot leat baldán eret daid elliid. Daid lea álki baldit, dat leat hui árggit. Ii ge dat leat váralaš vaikko dat eai birge ge nu bures – eai dat dárbbaš ge lassánit. Ii ge dat leat váralaš, vaikko dat birgeše ge heajut ja šattaše ge biidnahuvvat. Gal sii leat oahppan dan eallimii. Eai ge olbmot leat mannan goassege riekta geahččame siste, vaikko leat gal guhkkin oaid­ nán giikaniin ahte eallit doppe leat, ja ellet dat, muhto eai olbmot goit dovdda vissásit got dat ellet. Soames oassi olbmuin doivot, ahte dat ellet hui bures. Ja dat gal muhtun olbmot háliidivčče, ahte dat galggaše eallit bures dat nai eallit, go juo leat dakkár eallit ahte eai daga bahás. Vaikko soa­ mes oassi olbmuin atnet bahádahkkin, ja muita­ lit daidda olbmuide geat eai dieđe, ahte dat leat Johan Turi