Sámis 27-28

Sámis 27–28/2018 83 Synnøve Persen S ámegielas leat eanet sánit go dáro- gielas. Sámegiella lea vearba-giella ja dárogiella lea nomen-giella. Vearba lea lihkadus muhto dárogillii ferte jorgaluvvot substantiivvaiguin. Dat dagaha ahte giella ii gártta nu ealas go jorgaluvvo dárogillii. In daja dan fuonuhan dihtii dárogiela, muhto dat lea geafit giella go sámegiella. Go lean jorgalan, de lean ferten iskkadit ja guldalit makkár dárogiel dajaldagat gokčet seammá go mii sámegillii daddjo. Dárogiella gullá dasa lassin eará giellajovkui go sámegiella. Dat guokte giela eaba deaivvat gokkoge. Ságat-áviisa 2.12.2006 (jorgaluvvon sámegillii) $ Kirsti Paltto M un gáttán ahte máŋggas geat dál gieh­ taseaset dan girjjáža fidnejit, jearralit: Manin muhtin viššá geavahit áiggis ja fámuidis sámegillii čállimii? Iigo sámegiella leat ge dat jámadeaddji giella, dubmehallan vajálduvvat? Ávkkohago dan šat muvret ja viggat cegget, go dat goittotge goaikkeha? Nuor- ra olbmot fárrejit máttás, gos sii eai sámegiela dárbbaš. Boares buolva jápmá gielainis, ja sii, geat Sápmái báhcet, molsot sámegiela suoma- gillii. Iigo dákkár giella, mii ii geavahuvvo, leat jápma ja árvvuhis gálvu? Álgosánážat, Soagŋu-girjjis, 1971 $ ” ”