Sámis 27-28

64 Sámis 27–28/2018 Káre-Jovnna – John Ole Henriksen Schanche (1891–1962) ja su oabbá, Uhca-Káre – Karen Henriksdatter Schanche (1879–1959). Sudno vánhemat ledje badjeolbmot Kástan-Heandarat ja Sárá-Jon Káre. Sárá-Jon Káre – Karen Johnsdatter Porsanger (1851–1924) gii lei riegádan Kárášjogas, biigui muhtun áigge Jonne-Jovnna (John Samuel­ sen Guttorm, r. 1847 Kárášjogas, j. 1923 Várjja- gii), ovdal go náitalii geassit 1878 Deanu girkus beallesápmelaččain ja badjeolbmuin Kástan-Hean- daragain – Carsten Henrik Schanche (1843–1892). Kástan-Heandarat lei badjenissona Bieskke-Káre – Karen Bisk (Bieskki) (r. 1815) ja gávpealbmá Carsten Schanche (1814–1 59) luovosmánná. Kástan-Hean- darat bajásšattai Bieskki boazosiiddas, mii rastti- dii riikkarájá gitta jagi 1852 rádjái. Rájá giddema maŋŋá (1852) Kástan-Heandarat oktan etniinis ja ádjáinis johtigohte bohccuideasetguin gaskal Bievr- rá ja Johkama. Jagi 1875 Kástan-Heandaragas ledje masá 300 bohcco. Kástan-Heandarat jámii geahpesdávddas ođđajagemánus 1892, ja su bárdni Káre-Jovnna lei dalle aiddo riegádan. Leaska Sárá-Jon Káre náitalii moadde jagi maŋŋá Fanasgietti bártniin Holmma-Niljasiin – Nils Anders Holm (1864–1946) ja ásaiduvai mánáidis- guin Holmma-Niljas dállui Fanasgieddái, gos Káre- Jovnna ja Uhca-Káre bajásšattaiga.