Sámis 27-28

22 Sámis 27–28/2018 Festiválas in lean aiddo nu ollu iežan jurdagiid siste, mus lei ustit doppe, muhto dien sevdnjes lanjas mii gal leimmet buohkat sihke okto ja ovttas. Ja nu mo sápmelaš dávjá sáhttá fuomášit de mun gal fas smiehtastin Johan Turi, go čállá ahte sápmelaš liiko buoremusat go dovdá várreáimmu njuni vuostá. Go muhtumin dat gal lea kulturviesu áibmu eanet mu miela mielde go vádjolit olgun, vaikko vel lea ge ecodáidda. Muhto kánske han olles sáme eallin sáhtašii leat ecodáidda, jus vuos ál­ gá rivttes láhkai kontekstualiseret dan. Árbevirolaččat, goittotge – muhto árbevirolaččat leamaš buot eallin eanet ekologálaš go maid dál lea, de káns­ ke lea nu ahte sáme eallin orru lagat dán áigge ecodáidaga go oarjemáilb­ meeallin, ja dasto lea álkit dahkat das estehtálaš jurddašanvuogi. Man máŋgii bat leat ge lohkan artihkkaliin ahte gii nu beanta áddii ahte son lea sápmelaš go sus lea nu lahkavuohta eatnamii? Jurdda orru leamen ahte ii dalle sáhte leat dušše dáža, go luonddus berošta. ”Mun guldalan luonddu­ jienaid, dasto lean sápmelaš”, dego livččii min iežamet cogito, ergo sum. In aiggo dás ságastallagoahtit gii lea sápmelaš ja gii ii, muhto lean goittotge áibbas sihkkar ahte albma sámevuohta ii mearriduvvo das ahte man máŋga loddejiena don dovddat. Ja it dáidde leat sápmelaš bere danin go liikot lottiid guldalit. Muhto sáhttá ahte don maid liikošit ecodáidagii, jus ribahat dan gullat dahje oaidnit. Mu goittotge ii baldán eret, vaikko vel ledjen ge boatkuluvvan go girdilin fas da­ vás dalle miessemánus. Nohta: https://soundcloud.com/leynarrecordings/emov-ar-konsert-nodutgang - 27102018-16-bit-441-khz Sámimus ášši mii geavai lei ahte mu skuovat dulve jeaggečáhcái. Sáhttá go dekoloniseret dáiddadáhpáhusa? Dáiddačájáhušša