69 / 80
Sámis
22/2016
69
Sorbmanan olbmuid listu
JOHN ELIASSEN BOERE
John Eliassen Boere (1843–1917) Njaarkes lei Davit
Troandima Ámtta Sámesearvvi (Nordre Trondhjem
Amts Lappeforening) vuosttas ovdaolmmoš 1908.
Son beasai áirrasin gonagas Haakona lusa dan jagi
ovttas Daniel Mortensoniin ja Martin Jonasseniin.
Son čálii vuosttas deaddiluvvon aviisačállosa oarjel
sámegillii Waren Sardne lastii, ja lei čálli ja ságastalli.
Son lei Elias Johnsena ja Sophie Andreasdattera
algi, šattai bajás Njaarkes ja Fovsen – Njaarkes. Son
lei guktii náitalan, vuos Emilie Johnsdatteriin ja das-
to Brita Mortensdatteriin. Rávis olmmožin son oro-
dii eanaš áiggi Njaarkes.
Son lei láhjálaš, iešoahppan ja olugat fuopmášedje
su girjjálaš dáidduid. Sátnegirjjiid ja giellaoahppa-
girjjiid veagas oahpai duiskkagiela, eŋgelasgiela ja
fránskagiela. Giella- ja bivdogálggat dahke su bivn-
nuhin bivdoloksan duiskka ja eŋgelas bivdiide. Son
leai maid beakkán guovžabivdi.
Son geahččalii máŋgga fidnu, muhto 1880-logu
rájes lei boazodoallu su oaivedoaibma. Son vuostá
lasttii oavánit sámiid systemáhtalaš vealaheami.
1890-logus geassádedje son, su bearaš ja lagas-
birrasa máŋga sámi olbmo stáhtagirkus ja serve
adventistasearvegoddái.
Ságastallamis celkkii son ahte dáža heakka badjel
vuoiŋŋadii dakkár lossadas man son ii gierdda.