Table of Contents Table of Contents
Previous Page  10 / 80 Next Page
Information
Show Menu
Previous Page 10 / 80 Next Page
Page Background

10

Sámis

22/2016

Ii leat mange láhkai vejolaš ahte Elsa sáhttá leat riegádan

Såvsoes, ja dastomátkkoštan váriid badjel gitta Vualtjere

girkui dušše golbma beaivvis. Dan áigge ádjánedje sullii

guokte vahku johtit Såvsoes Vualtjerii. Elsa ja su oabbá

ja vieljat leat gásttašuvvon iešguđetge girkuin, dan miel-

de gos bearaš lea leamaš aiddo dalle go mánná lea riegá-

dan. Eaba Elsa váhnemat livčče gásttakeahtes njuorat-

máná fievrridan ná guhkas, ja árradálvvi velá.

Danin konkluderen ná: Elsa Laula riegádii skábma-

mánu 29. b. 1877 Vualtjere lahka. Eat sáhte sihkkarit

dadjat riegádii go Storselebys, muhto jáhkehahtti gal lea.

Eai buohkat liiko dása. Lean moanaid miellagiddevaš

digaštallamiidda gártan maŋŋá go biografiija almmu­

huvvui. Ja vaikko čuoččuhan eará áššiid Elsa birra, vaik-

ko analiiseren duon ja dán, ii leat makkárge ášši mii bok­

tá nu ollu digaštallama, go jearaldat: "gos riegádii Elsa

Laula?" Go ruoŧagielat veršuvdna almmustuvai Staares,

gullen soapmása dadjamin: "Hun är jo våran, Elsa."

Muhto Såvsoe almmái guhte riŋgii munnje, ii leat gal

ovttaoaivilis.

–– Buorre beaivvi?

–– Ipmel atti, juo lea x xsen gii riŋge Såvsoes.

–– Bures, bures. Sáhtášin go riŋget dutnje fas moad-

de beaivve geahčen? Lean oainnát New Yorkas dál, lea

viehka divrras.

–– Áiggun dušše muitalit dutnje, ahte Elsa, son LEA

riegádan Såvsoes! Don čálát boastut.

–– Moai gal áinnas sáhtte dán birra háleštit, go Norgii

fas boađán?

–– It sáhte dadjat ahte son lea riegádan ruoŧa bealde, ii

leat duohta!

–– Na, lean gal viehka máŋgga čálalaš gáldu guorahallan.

1904 govva, "Lapparnas centralförbund" lea vuođđu­

duvvon. Elsa Laula guovddážis, sluppot gieđas.