Sámen 2

20 Sámen 2/2017 Mij prienntip guokta ártihkkala majt Matti Aikio le tjállám – jali girje nåv gåktus tjál- le iesj dajt gåhtjoj – degu ájggevihtan ja ájggegåvvo mij bådij nuorttasáme ulmut- jis mij lij sige lájttális ja bilkálasj dan sáme rijkatjåhkanibmáj mij lij Roandemin. Matti Aikio lij dalloj dåbdos girjjetjálle Vuona rijkan, gut ábaj oattjoj ietjas ártihk- kalijt prienntidum ávijsaj vuostasbælláj. Ártihkkala prienntiduvvin muhtem ávij­ san man namm lij «Ájgge mærkka» (Ti- dens Tegn). Garra vásstádus bådij Svierigis, muhtem dåbdos girjjetjálles gen namma lij Valdemar Lindholm. Lindholm lij oahp- pam sige oarjel- ja nuorttasáme gielajt ja tjállám moadda girje sáme viddjurij birra, ij unnemusátsuv suv versjåvnnå sámij jah- tos mij lij Biejvebárnij giehtto mij bådij ja- gen 1909. Sån, Lindholm, lij buorre doarjja gå galgaj dagáduvvat ienep berustibme sáme gat- jálvisáj hárráj Svieriga rijkan. Mij prenntip ártihkkalijt ålles hámijn nåv gåk da lidjin, vaj låhkke galggi ietja vuojnnet dav garra rijdov mij dalloj sjattaj sámij orgániserima birra ållu álgos – sige sámij ietjasa lunna ja aj stuorra sebrudagán. MATTI AIKIO – degu gæhttje, váksjár ja moalgediddje