Sámen 2

Sámen 2/2017      13 lárkket. Dakkár rijdo má etján gávnnujin Råmså fylkas oarjás gitta dåk oarjjelsáme dáfojda. Náv lidjin politihkalasj vidjura manen oarjjelsáme álg­ gin ietjasa orgániserit daj ájgij. "Oarjjelsámij sámepoli­ tihkka lij dandiet boatsojsujtto-politihkka" tjállá Jern­ sletten (1991:77). Duodden dasi de aj bajeduváj skåvl­ lågatjálvis. Sierraláhkáj lidjin sáme Helgelátten buos­ je åvdedit vaj boatsojsujtárij máná galggin åhpaduvvat sámegiellaj skåvlån. Goalmát ássje mij lij ássjelistan, lij gatjálvis orgániserima birra. Sige Elsa Laula Renberg ja Daniel Mortenson lijga goappátja huj buosje åvdedit ájádusáv orgániserima hárráj. Árvvedahtte gut Martin Tranmælav gåhtjoj hå­ latjit Roandemin, na Daniel Mortenson. Tjoahkkáj giesedum ietjá bágoj, de lij dán rijkatjåhkani­ me duogásj jur boatsojsámij ássje ja sijáj váttesvuoda. Dav aj vuojnnep jus gatjádip makkár sáme da gålmås lidjin gudi båhtin Finnmárko ja Råmså fylkajs. Mathis Johan Roska lij Unjárgas ja lij siegen årrum ja oassálas­ stámVárjágsámij váttesvuodaj hárráj mij lij dálvveguoh­ tom Suoma rájá bájkijn, mij dalloj lij Gárjjelrijka vuo­ len" (Borgen 1997:99). Nubbe dajs lij Klemet Mathisen Somby gut lij ælloniehkke Gárásjågås ja sån lij årrom juokkir konsulænnta Boatsojguohtom-kåmmijsåvnån mij bargaj jagen 1913. Goalmát sån lij Henrik Peder­ sen Heikka 1 gut ælloniehkke Ringvass-suollus ja Boat­ sojsuollus Råmså fylkan, dan guohtombájkijn gånnå aj Svieriga boatsojsáme guododin. Manen nuortaga gáhtun tjåhkanimes Le dat aj ietjá dille mij vuoset gåktus tjåhkanibme Roandemin lij bájnedum politihkas boatsojsujto bir­ ra. Dat vuojnnu jus ájádallap makkár sáme nuortat æl­ lim dan tjåhkanimen. Vuostasj mij vuojnnu, ja vil nav tjielgga vuojnnu, le gå vargga ij åvvå aktak boatsojsábme Finnmárkos lam siegen Roandemin. Ja má dat lij fylk­ ka gånnå gålmmå nælját oase Vuona rijka boatsojsámijs årrun ja viessun. Sivva dasi gå lij nåv tjuollot, le vuos­ tak dat gå barggo boatsojlágaj ållu beri unnánasj duoh­ taj Finnmárkov. Mij gåhtjoduvvá aktisasjsámeláhka mij bådij jagen 1883, dat duohtaj boatsojsujtov Råmså fyl­ kan. Dajna vuogijn gå guohtombájke dåppe juogeduv­ 1 Hejkan lij majt gåhttju giehtaællo, mij le ællo gånnå boatsu lij dámadum ja vil áldo båtjeduvvi. Sån guododij suollujn maj namá li Vanna, Ringvass-suoloj ja Boatsojsuoloj. Máhttá de sån ja svieriga boatsojsáme boahtám vuosstálakkoj dajna gå siján lidjin hálvva viejtok ælo. Jahkedahtte le sån aj diedij dan bargo birra mij lij boahtám jåhtuj boatsojsujto konvensjåvnå hárráj. Ja vil duodden gå vuona bieles rávkaduváj juhte svieriga boatsoj­ sáme galggin hiejtet suollujda jåhtemis Råmså fylkan. Rijkatjåhkanibme Roandemin 1917