Sámen 2

Sámen 2/2017      11 mijá Elsa.» Valla dat ålmåj gut munji tjuojadi telefåvnå baktu, sån val ij dasi guorrasam. – Hallo? – Hallo, dát le x xsen Susendáles gut tjuodjá. – Hei hei. Máhtáv mån dunji tjuodjat gå guokta biejve li mannam? Mån lev má New Yorkan ja dát ságastibme sjaddá hálvva divras. – Galggiv beri javllat Elsa le riegádam Susendálen. Majt dån tjálá, dat le boasstot. – Máhttin måj ságastit dán birra, valla buoremusát gå ruoptus boadáv Vuodnaj? – Dån gal ij åvvå máhte javllat sån le riegádam svieriga bielen, dat ij le åvvå duohta! – Mij lip ham gehtjadam ållo tjálálasj gáldojt. – Valla mij diehtep så le riegádam dánna. – Galla dat má iesj javlaj navti. Valla gáldo javlli iehtjá­ dav. – Da gáldo li boasstot. – Juohkka akta gálldo? – Gájk divna. – Na de... Gåk le gulá de viddjura gå sån gástaduvvá Vil­ helmina girkkon gå lij dåssju gålmå biejve vuoras? – Báhppa le tjállám boasstot. – Eh ... Máhtáv mån dunji tjuodjat gå vas Vuodnaj lev boahtám? – Dån i dárbaha tjuodjat. Galggiv beri javllat dån le tjál­ lám boasstot, dån. – Ná ... gåk jáhká sidja jagen 1877 li doalvvum njuorak mánáv Susendáles gihtta Vilhelmináj gålmån biejven? – Diedák gus man ruvva boatsoj máhttá guohtsat? – Gå le mánná noaden? – Ij galla gå mánná le noaden, valla ... ah ... guotsi val ruvva da boahttsu, ja DAT LISJ GÅJT DAL ÅVVÅ DUOHTA ! Ja nav de någåj munnuv ságastallam. Galga luvlujma mij såbadit gájkka sáme ja mielastuvvat Elsa åvddemusát lij sábme. Gånnå sån soajttá riegádam, duonna jali dánna, dat ij le nav ájnas. Ájnas dan buoh­ ta majt sån lij sáme álmmugij ja dan buohta gåk sån le bájnnám sámij histåvråv. Dårvustaláv mij sáme farra lij­ ma válldet dav ietjama miela sisi sån viesoj degu dábá­ lasj sáme viessu. Så vájaldij badjel rijkarájáj degu ij mi­ ge. Degu mij gudi Dænovákken vájaldip åvdån ruoptus suoma ja vuona bielev. Ja degu sij Duornnusavákken gu­ di vájaldi åvdån ruoptus svieriga ja suoma bielev. Elsa lij oarjjelsábme, dábálasj viesso, nissunmielak, tjielgos, ristagis ja åvdånvádtse. Ja gå suv viessomájgge, dalloj gå lij Vuona rijkka átjak sjaddam iesjrádálasj, dagáj sunji lij buorep javllat sån lij riegádam Trallerudan, Susendálen, de dat dal huoman ij lim nav stuoora gieles. Sån ham iesj gulluj dåhku dåk Susendálláj aj. Ihkap le dat álkke gå ij aktak bájkke, lehkus dat Storsele ja Susendálle, ælla oadtjum ásadit turistajda manov dåhku gånnå måk El­ sa le riegádam. Sån mijá. Gájkka sámij Elsa. Bahap ja buorebu bælláj. Giehtto suv viessoma birra ja gájkka mij le javladum suv birra, daj sisi sjiehttá åvvå histåvrrå koloniserima birra. Midjij ij le hájn vilá máhttelis gávnnat dajt bágojt maj­ da dárbbo le. Muv dårvvo le, mij gudi lip sámeálmmuk, akti gå dat ájgge boahtá, galggap nav gievrrot vaj duos­ tap vájku majt. Jus mån guhkebuv viesov, de galgav mån tjállet åvtåv girjev ánj. Ådå girjev. Jage 1904 gåvvå, «Lapparnas centralförbund» le vuo- dodum. Elsa Laula guovddelin, giedan slubbo.

RkJQdWJsaXNoZXIy NDI2ODk=